2013年3月10日星期日

香煙戰爭續篇

標少寫了香煙戰爭後,朋友說寫得不夠詳盡,要標少多補幾筆。寫這些東西,最忌遇到小器的人,惟有虛構角色,以防被指誹謗。案情人物如有雷同,實屬普及,對號入座,自討沒趣,無任歡迎。


話說長毛被定罪之後,即時提出覆核。

長毛:法官,我申請覆核定罪。

主控:大人,我...

長毛:馬大律師,枉你身為大律師,咁都唔識,依家叫法官閣下,唔叫大人啦。你真係奴才
            本性,改唔到口。九七之後,我哋當家作主,仲叫乜大人啫?

主控: Your Worship, the defendant shows no respect to you.

長毛:你又講英文,你啲袋鼠英文,唔係好叻啫。Shame on you!你咁鍾意講英文,不如我哋
            改用英文審?

主控:By all means. You don't have a degree. I have 2 degrees. Do you need an interpreter?

法官:你兩個當我無到吖?大家都係中國人,講乜英文?我哋背靠祖國,吐氣揚眉,講大陸
            法唔講普通法,仲邊駛講英文?

長毛:唔係囉,喺立法會佢鬧我唔係fucking Chinese,頭先又鬧我唔係fucking Chinese smoker,
            淨得你哋係fucking Chinese,我唔係。

法官:被告猛咁講粗口,係唔係想我判埋你藐視法庭?

長毛:法官,你唔好大細超喎,錄曬音個喎。袋鼠律師,對唔住,大袋鼠律師,唉講極都唔
            啱,袋鼠大律師講粗口果陣,又唔見你話佢藐視法庭?而且,英文「忽忽」聲,都唔  
            算講粗口啦。所以不如等我哋講粗口,唔係,不如等我哋講英文。

主控:長毛你收皮啦,外面啲人喺咁傳,話法官啲英文好似P.4程度,講番中文啦,無謂難為
            佢。

長毛:吓!法官的英文咁屎,英文判辭點睇得明?幾時請人,我都想做?我橫掂咁鍾意上
            庭抝嘢,揾到呢份筍工,有得抝又有錢豆,去邊度揾?

法官:豈有此理,侮辱本席。庭警,押佢兩個落去。

主控:法官,唔喺嗎?頭先好地地,我哋同聲同氣,抹咗長毛9隻,依家點解反面?我衰衰地
            都係大律師嚟,你連我都籠?

長毛:你都有今日,大律師,比個大啲嘅籠你囉。

法官:你兩條友侮辱本席,我運用《裁判官條例》第99條,各判監14日。


香港司法史上主控官和被告同時判監,這件案開了先河。


沒有留言:

發佈留言